മലങ്കര സഭയുടെ പ്രഖ്യാപിത പരിശുദ്ധനായ പരി. പരുമല തിരുമേനിയുടെ 118-മതു ഓര്‍മ്മ പെരുന്നാള്‍ ചിക്കാഗോ സെയിന്റ് തോമസ് ഓർത്തഡോക്സ്‌ പള്ളിയിൽ, ഇടവക വികാരി ഫാ: ഹാം ജോസഫ്‌, ഡി: ജോർജ് പൂവത്തൂർ എന്നിവരുടെ നേതൃത്വത്തിൽ ഭക്തി പൂര്‍വം കൊണ്ടാടി. പെരുന്നാൾ സന്ധ്യ നമസ്ക്കാരം ഒക്‌ടോബർ 31 ശനിയാഴ്ച് 6:30 നു നടത്തപ്പെട്ടു. നവംബർ 1 ഞായറാഴ്ച വിശുദ്ധ കുർബ്ബാന, ആശീർവാദം, നേർച്ച എന്നിവയോടു കൂടി പെരുന്നാൾ സമംഗളം പര്യവസാനിച്ചു . പകർച്ച വ്യാധിയുടെ ഭീതി നിറഞ്ഞ സമയങ്ങളിൽ പരി. പരുമല തിരുമേനിയുടെ മദ്ധ്യസ്ഥത അപേക്ഷിക്കാൻ ഇടവക ജനങ്ങളെ ബഹു അച്ഛൻ പെരുന്നാൾ സന്ദേശത്തിൽ ഓർമ്മിപ്പിച്ചു . ഇടവകയിലെ എല്ലാവര്ക്കും പങ്കെടുക്കുന്നതിനായി നമസ്ക്കാരവും വി. കുർബ്ബാനയും ലൈവായി സംപ്രേക്ഷണം ചെയ്യുകയുണ്ടായി. പെരുന്നാളിൽ നേർച്ച കാഴ്ചകളോടെ പങ്കെടുത്ത എല്ലാവരോടും വികാരി അച്ഛൻ നന്ദി പ്രകടിപ്പിക്കയുണ്ടായി. പരി പരുമല തിരുമേനിയുടെ മദ്ധ്യസ്ഥത നമുക്കേവർക്കും കോട്ടയായി തീരട്ടെ
